تابلۆی “ڕقی پیرۆز”
تابلۆی “ڕقی پیرۆز “
مرۆڤ کاتێک ئەم تابلۆیە دەبینێ، ڕاستەوخۆ تێدەگات. ئەو کەسەی هەستاوە بەوەشاندنی شەق لەو کەسەی تر تێدەگات لەوەی دیمەنەکە بوعدێکی سیاسی و کۆمەڵایەتی و ئابوری لەپشتەوەیە، بینەر تێدەگات لەوەی هەرکاتێک ڕق و توڕەیی خەڵک پڕبوو ئەوا مەحاڵە هیچ هێزێکی مرۆیی بتوانێ بەری پێ بگرێ .
ڕەنگە بپرسرێ چۆن دەکرێ لەڕێگای تابلۆیەکەوە ئەو جیاکاریە بدۆزرێتەوە، کەتیایدا وێنەی جەلادو قوربانی یە،
ئەم تابلۆیە پارادۆکسێک لەو دوو میتۆدەی لەخۆگرتوە جەلادو قوربانی، سەرەتا ئەوەی ئێستا شەقی لێدەوەشێنرێ قوربانی بووە و کاتێک جڵەوی دەسەڵاتی بەدەستەوە بوو بۆتەوە بە جەلاد، ئەمێستاش بە پێچەوانەوە، واتە کۆمەڵگەی ئێمە کۆمەڵگەیەکە هەمیشە و بەردەوام کەسایەتیەکی “سایکۆپاتی” دروست دەکات، کە ڕەکیزەی هەردوو چەمکەکەی هەڵگرتوە. هۆکاریش ئەوەیە تاوەکو ئێستا لەناو کۆمەڵگەی کوردستاندا شۆڕش سەری هەڵنەداوە بەمانای شۆڕشی کۆمەڵایەتی و سیاسی و ئابوری و فەرهەنگی، بەڵکو ئەوەی ڕوویداوە لاچونی هێزێکی داپڵوسێنەر بووە و دوای ئەویش هێزێکی تر جێگای گرتۆتەوە، واتە چ جیاوازیەک هەیە؟ هێزێکی خاوەن دەسەڵات کوردی بێ یا عەرەبی بێ بت چەوسێنێتەوە، هەر چەوسانەوەیە بۆ خەڵکی ستەمدیدە.
لەئێستادا ئەوانەی دەچەوسێنرێنەوە کەسانی موچەخۆری سەر بەدامودەزگا جۆراوجۆرەکانن و ئەو ژمارە زۆرەی تر پڕە لە خەڵکی مشەخۆرو هەڵپەرست، تەماشا دەکا گەر زانی وەزعەکە بەرەو ئەوەدەچێ دەسەڵات نەمێنێ خۆی دەخاتە پاڵ خەڵکی خۆپیشاندەرو ڕاپەڕیوو. گەر واش دەرنەچو بەردەوام دەبێ لەسەر خەتی خۆی، بۆیە لەئیستادا خەڵکی چەوساوەی کوردستان دەبێ خۆیان ڕێکبخەن لەسەر بەرنامەو میتۆدێکی واقیعی کۆمەڵایەتی تاوەکو هیچ هێزێک نەتوانێ بەری ڕەنج و ماندووبوونتان بەفیڕۆ بداو بۆخۆی بەرێ..
نووسینی: جەمال نوری