هەر رۆژە هەڵسوڕاوێکی بزوتنەوەی یەکسانیخوازی ژنان لەسەر هەمواری یاسای باری کەسێتی بۆ بۆپێشەوە دەدوێن… شلێر عەبدولمەجید: چالاکوانی سیاسی وئەندام لەتەحالوفی ١٨٨ ی کوردستان.
بریاردان لە هاوسەرگیری؛ عەقدێکە بە رەزامەندی هەردوو لایەن دەبێت. لەم عەقددەدا نە شەرع و نە یاسا بونی نییە. پاشان بۆ پێکهێنانی خێزان یاسا بریار دەدات، نەک پەیوەندی ئاین. لەسەر ئەم بنەمایە دەوڵەت یاسا و دەستورەکانی دادەرێژێت، وە بە دەرچەی بنەمای سەرەکی دەزانێ بۆ دامەزراندنی کۆمەڵگە، ولەنێویاندا ئەو دەقە دەستوریانەی کە خێزانی پێ رێک دەخرێت.
لە هەموو دەوڵەتان و کۆمەڵگە مەدەنیەکاندا یاساو دەستوری وڵاتەکەی لەسەر بنەمای یاساو بەڵگەنامە نێو دەوڵەتیەکانی تایبەت بە مافی مرۆڤ دادەرێژێت.
خێزان ئەرکێکی کۆمەڵایەتی لە ئەستۆیە، بەشدارە لە پێکهێنانی دامودەزگاکانی دەوڵەت، وە دەوڵەت لایەنی سێهەمە لە پێکهێنانی خێزان.
لەبەر ئەوە لە هەموارکردنەوەی یاساکانی باری کەسێتی ژمارە ١٨٨ ی ساڵی ١٩٥٩ لەسەر بنەمای شەرع و مەزاهب، بەڕای ئێمە کۆمەڵێک لێکەوتەی خراپی لێدەکەوێتەوە بۆ ئێستاو داهاتوو وەک:
١-لێکەوتەی دستوری
٢-لێکەوتەی یاسای
٣-لێکەوتەی نێو دەوڵەتی
٤-لێکەوتەی دەروونی و کۆمەڵایەتی
چونکە تا ئێستا ئەو مدونەیەی دانراوە نەخراوەتە بەردەم ئەندامانی پەرلەمان، واتە بریار لەسەر مساوەمەی سیاسی دەدرێت. دەرگا دەکاتەوە بۆ لێک هەڵوەشانی کۆمەڵگە و بڵاوبونەوەی فساد.
لەم ڕوانگەیەوە و کۆمەڵێک هۆکاریتر بەردەوام دەبین لە هەوڵدان دژ بە هەموار کردنەوەی ئەم یاسایەی باری کەسێتی لەسەر بنەمای مەزهەب و ئاین گەرایی.
جێی ئاماژەیە کە بزووتنەوەی دژ بەم هەموارکردنەوەیە، تەحالوفێکی دروستکردوە لەخەڵکانی ئازادیخواز ورێکخراوی ژنان ومنداڵان وکۆمەڵگەی مەدەنی لەعیراق وکوردستان. لە ٨ ی ئەم مانگەدا توانیان یەکەم کۆنفرانسی خۆیان لەشاری بەغدا بەڕێوەبەرن، بەئامادەبوونی نزیکەی ٦٠٠ نوێنەر لەسەرتاسەری عیراق. شایانی باسە کە بەنوێنەرایەتی تەحالوفی کوردستان هەریەکە لەبەڕێزان رێزان شێخ دلێر وبەهار مونزیر وتەیان پێشکەشکرد وباسیان لەهەوڵەکانی خەڵکی ئازادیخوازکرد لەکوردستان و لەدەرەوەی کوردستان بۆ وەستانەوە دژ بەم هەموارکردنەوەیە.