بەهۆی نائەمنی شوێنی کارەوە ژمارەیەک کرێکار بوونە قوربانی…
سەرلەبەیانی بەرواری ٢٨ ئەم مانگە، لە ئاکامی تەقینەوەیەکەوە کە لەکارگەی سلێمانی ستیل، لەناوچەی بازیان روویدا، پینج کریكار بوون قوربانی. یەکێک لە کرێکارەکان یەکسەر گیانی لەدەستداوەو ٤ کریكاری تریش بریندار بوون کە برینی دوانیان سەختە. کارگەی سلێمانی ستیل کارگەیە بۆ تواندنەوەی ئاسن و دروستکردنی شیش. هۆکاری سەرەکی ئەو کارەساتانە کە بەسەر کرێکاران دێت و دەبنە قوربانی، نائەمنی شوێنی کار و نەبوونی پێداویستی گونجاو سەردەمییە بۆ کارکردن و پارێزگاری کردن لە کرێکاران لە کاتی کارکردندا. نەبوونی ئەو پێداویستیانەو کەشی گونجاو بۆ کارکردنیش پەیوەندی راستەوخۆی هەیە بە چاوچنۆکی سەرمایەداران و خاوەن کار و کۆمپانیاکانەوە… ئیمە لە کاتیکدا سەرەخٶشی لە خانەوادە و هاوڕێ و هاوکارانی قوربانیەکە دەکەین، هاوکات هیوای چاکبونەوە بۆ بریندارەکان دەخوازین و کۆمپانیاکەش بە بەرپرس دەزانین لە قەرەبووکردنی کەسو کاری قوربانیەکەو بریندارەکان…