هونراوەی: حەمید موسەددیق وەرگیر: خالید بایەزیدی/دلیر

هونراوەی: حەمید موسەددیق

وەرگیر: خالید بایەزیدی/دلیر

تۆ بە من پێکەنی و

نەت ئەزانی:

من بە چ مەترسییەک

لە باخچەی دراوسێکەمان

سێوم دزی

باغەوان بە هەڵاتن بەدوام کەوت

سێوەکەی لەدەستمدا دیت

بە قەڵسەوە چاوی لێکردم

سێوی قەپ لێدراو

لە دەستم کەوتە عەرزی

تۆ ڕویشتی و ئێستاش…

ساڵەهایە کە لە گوێچکەی من ئارام ئارام

خشەخشی هەنگاوی تۆ تیکرار تیکرار

ئازارم ئەدا

من دەستەو ئەژنو دانیشتووم

غەرقی ئەو فیکرەم

کە بۆچی؟

ماڵە بچکولەکەی ئێمە سێوی نەبوو؟!