چەند شیعریکی: خالید بایەزیدی (دلیر)
چەند شیعریکی: خالید بایەزیدی (دلیر)
دایکم کە مرد!
بیرەوەریەکانی منی
لەگەل خۆی برد
وەبیرەوەریەکانی خۆشی
بە ئەمانت بە من ئەسپارد؟!
……………………………………….
ئاە…!
کوترێکی پەڕوباڵ شکاو
هەموو شەو
لەقەفەسەکەی دا
خەونی هەڵفرینی دەدیت
……………………………………………..
دوێنی!
من ودونیا…
لە قەرەبالغیکی شەقام دا
روبەروی یەک بووین
«هەردووک
بیزارلەیەک»
روومان لە یەک وەرگیرا؟!
……………………………………….
شاعیریک!
بۆ پاشایەک
شیعریکی نووسی
پاش سەدان سال
شاعیر دیتی:
شیعرەکەی
لەسەرکورسی هەژاریک
سەر بلند دانیشتووە
……………………………………..
دوینی شە و
کلیلیکی ونبوو
لە مالەکەی دەگەرا
لە کولان وشەقامەکانی شاردا بینی:
قوفلی مالەکەیان شکاندووە
وە خاوەنەکەشیان کوشتووە؟!
……………………………………..
پرسیار؟
لەشەوم پرسی:
بوهەموو شەوێک رەش پۆشیت؟
وتی:
ئاخرهەموو شەوێک ئەبینم:
ئەستیرەیەک…
ئەستیرەیەک دەکوژی؟!
……………………………………….
نازانم:
بۆ رەش پیستەکان دەکوژن؟
بە گومانم!
تارماییان موژدەی کازیوەی
بەیانیان پییە؟
………………………………………………..
پیشکەش بە شەهیدانی قەڵەم
توبڵێیت:
ولاتەکەم داگیرکرابیت
هەرنامەیەک
کە بوی دەنووسم
بو خوم دەگەریتەوە
……………………………………….
زۆر دەمرین
کەم دەژین
هەر بویە
پەپوولە ی تەمەن
لە گورستان دەخوڵێتەوە
……………………………………….
بەهار
لە نیگای کچیکی
فەرش چن
دەپشکووت
……………………………………
دوینی شەو
دارستان
هیچ خەوی لێ نەکەوت
کە نەبادا !
ئەو تاکە درەختە
کەوتبیتە بەر
ماچەکانی شەلاقی تەور