سێ پارچە هۆنراوەی خالید بایەزیدی“ دلێر“
سێ پارچە هۆنراوەی خالید بایەزیدی“ دلێر“
جیهان!
ماڵێکی کاوله
که هیچ ئەندازیارێک
ناتوانێ:
چاکی کاتەوه…
ماڵێک کە تەواوی بەری میچی
جاڵ جاڵۆکه دایگرتووه؟!
2-
من بەهارم!
بەلام نازانم بۆ:
درەختەکانم ناپشکووێن
بەگومانم…
رەشەبای بی وەختی
دوێنێ شەو
خونچەکانی لەگەڵ خۆی بردووه؟!
3-
بەڵین وابوو:
لەگەڵ ئاواتەکانم بڕۆم
بەڵام !
خۆرکوژەکان نەیان هێشت….
دوای ساڵەهای ساڵ کەگەرامەوه
هیچ کام له ئاواتەکانم
منیان نەدەناسییەوه
وەکوو هەوری بەهاران گریام
سەر له نوێ
جانتاکەم پرکرد لە تەنیاییم و
بەرەو وڵاتی نادیار ڕۆیشتم؟!