باوکم کریکاری مەعدەنی بەرد بوو

 

1

باوکم کریکاری مەعدەنی بەرد بوو

هەمیشە دیووت:

خوزگایە!

ڕۆژێک لە ڕوژان

توانی بایەم

لاشەی سەرمایەدارم

وە ک بەرد پر لە باروت کردبایە

هەر لاشەیەکم

بو ماڵە هەژاریک فڕێ دابایە

ئەوکات مناڵی هەژاران

بە خوشی و پێکەنینەوە کایەیان پێکردبایە

وە هیچ کەس نەیتوانیبا

بێڕێزی بە هەژار بکا؟؟!!

بێرێزی بە نان بکا؟؟!!

 

2-

بە باوکم ووت:

بابەگیان!

هەژاری یانی چی؟؟!!

وتی: ڕۆڵەکەم

هەژاری یانی: نەخوشێکی چارەسەر نەکراو

لەسەر سایەی سەرمایەدار

 

3-

خوزگایە!

هەژاری تەنیا

یەک کەس بوایە

تاکوو کوشتبام و ئیتر هیچ کات

سەری هەڵنەدابایە؟؟!!

4-

بۆ ئەوەی بزانیت:

سەرمایەدار چەند خوێن مژە

سە یری”زەرو بکە”

کە چۆن تینویتی خۆی

بەخوین دەشکێنێ؟؟!!

 

5-

لە کوڵانێک

خواو ژنێک

روبەڕووی یەک بوونەوە

خوا بەشەرمەوە

سەری داخست و ڕۆیشت

ژنەکەش!

بە هەموو وزەو توانای خوی

سێوی قەپ لێدراوی هاویشتی؟؟!!

 

7-

هیچ بووم گرینگ نییە

جیهانی عیلم و تەکنولۆژی

کاتێک کە دەبی

رۆژی سەدجار بمری و بژی

بۆ بەدەست هێنانی پاروە نانێک

«سەر دابنەوێنی: بۆهەموو ناپیاوێک

 

8-

منالیکی هەژار

کوتی: بابە گیان

ئەدی «کولێرە»چەند برگەیە؟

گوتی: ڕوڵە گیان

لەسەری مەڕۆ…

«کولیرە» برگە ناکری

مەیل دەکری؟؟!!

مەیل دەکری؟؟!!

خالید بایەزیدی

٢٠٢٠