بۆ ئایارو .. جارێکیتر هەر ئایار
بۆ ئایارو .. جارێکیتر هەر ئایار
ئەحمەد جوانکار
کێبێ
لە ئێمە عاشقتربێ ..
عاشقی
دنیای یەکسان ..
کێبێ
وەک ئێمە
چاوەڕوانبێ
چاوەڕوانی ..
نەمانی سەرمایە داری .
کێ هەیە ..
وەک ئێمە
وەک کۆمۆنیستەکان
لەپێناو
خۆشگوزەرانی خەڵکدا
وازی لەخۆشی و
لە ژیانی خۆی هێنابێ .. ؟
ساڵەهایە
ڕوو لە ئاسۆین
بەڕێگەوەین .. نەوەستاوین و
بۆدواوە .. ئاوڕمان نەداوەتەوە
نەداوەتەوە …
گەلێکماندی
هاتن لەگەڵماندا
سەر بەغەیرە
چینی هەژارانبوون ..
لە نیوەی ڕێگا .. وازیانهێناو
وەک بلقی
سەر ئاو تەقین .. !
ئێستە .. خاوەنی
ئەم سیستەمە .. نەخۆشە
ڕۆژەکانی
مەرگی خۆی ئە‌ژمێرێ ..
ئێمەش .. ئێمەی
کرێکاران و بێکارانیش
ئاهەنگ ..
بۆ دنیایەکی ئینسانی
ئاهەنگ ..
بۆ دنیایەکی باشتر ئە‌گێڕین .
بۆ ئایاری ٢٠٢٠