هۆنراوەی: بەندی عەلی…

ئەم ژیانە کیسەڵێکی

پیـر و خاوی خەڵەفاوە ..

بەغەیری چەمۆڵەیەکی بێزاریی لێی

بەکەڵکی چیتر نەماوە ..

ئەم جیهانەش بلوزێکە و

توێژاڵ توێژاڵ هەڵوەشاوە ..

بەغەیری دووبارە، دیسان

چنینەوەی بە جۆرێ دی ،

بەکەڵکی چیتر نەماوە ..

چەند بێ فەڕە ئەم سەدەیە !

وەك سێبەرێکی بێ جەستە

دەبێ بەدوی هیچا ڕاکا ..

چ بێ پیتە سروەی ئومێد

لەم تونێلە تاریکەیا ،

بەشی هەناسەیەك ناکا ..

( ئەگەر تۆ بێدەنگ بی مرۆڤ) !