شەقام…سەلام سەعید

شەقام

ئەم بەیانیە بەشەقامم وت

ڕێ بدە ئەو خانمە سەرخەوێك

لەسەر شۆستەکان بشکێنێ، ماندوی

هەمو کارە لەدەست دراوەکانە .

ژینی مشتێ شوشەی شکاوە .

 

لەسەر دڵی شەقام .

باتەمەنی کۆکاتەوە،

هەرچەند چۆن دەست بەرێ،

پەنجەکانی پڕ خوێن ئەبێ .

 

توڕەیە ئەگەر تۆقێ تفی تێکردی زویر مەبە .

ئەو هەمو پیرۆزیەکانی خۆی،

لەبەر برسێتی فرۆشت .

 

هیچ نەماوە لەدەستی با تکایە زویر مەبە.

هاوڕێ تۆ ئاگاداری،

لەم سنورە داخراوەی ئێمەدا چ ئەگوزەرێ

 

………….

من ئاوێنەم

من هەمو بیرەوەریەکانی تۆم،

بیرتە بەیانیان زوو پرست بەمن ئەکرد .

لەگەڵ شڵپی پڕ مستی پڕلەئاودا،

پرچەکانیشت تەڕ ئەکرد .

 

پێت ئەوتم چەند چاوقایمی کەی تێر ئەبیت

لە تەماشام .

من چەندین ساڵە بەدیار ئاهە سوتاوەکانتەوە وێڵم .