فيدراليزم شيعاريكى كونهپهرستانهيه گفتوگو لهگهل منصور حكمت سهبارهت به شيعارى فيدراليزم
ئهنتهرناسيونال: له بهياننامهكهدا هاتووه كه هينانه مهيدانى شيعارى فيدراليزم لهلايهن ههنديك له حزبهكانهوه ههرگيز رهنگدانهوهى بوونى وهها خواستيك نييه لهنيو خهلكدا. كهوايه دهركردنى ئهم بهياننامهيه چ زهرورهتيكى ههبوو؟
منصور حكمت: نهتهنها شيعارى فيدراليزم جيگايهكى نييه له زهينو ژيانى خهلكدا، بهلكو ناسنامهى قهومى و قهوم چيتيش بهشيوهيهكى گشتى، لهنيو مليونهها خهلكى دانيشتووى ئيراندا هيچ جيگايهكى له ئيعرابدا نييه. بهلام بهداخهوه ئهمه كافى نييه بو پاراستنى خهلكى لهو كارهساتو مهئساتانهى كه قهومپهرستى و قهوم پهرستان دهتوانن بيهيننه ئاراوه. سهيرى دنياى دهوروبهرى خوتان بكهنو چاويك به رووداوهكانى ئهم دوو سى دهيهى دواييدا بگيرن. حكومهتى شهرعو دهولهتى ئاخونديى چ زهمينهيهكى له ئيرانى سهدهى بيستهمدا ههبوو؟ دياره هيچ. ئهم خهلكه ههر ئهوانه بوون كه ههشتا سال بهرلهئيستا روژيكيان بهسهر مهشروعه چييهكاندا هينا كه دهيزانين. ئاخوند تويژيكى مشهخورى بيئابرو جيگاى گالتهجاريى خهلك بوو له شارو له دێدا. كچانى دوو نهوه بهرله ئيمه بى سهرپوش ئهچوونه قوتابخانه. موسيقاو سينهما بهشيكى جيانهكراوهى ژيانى خهلكى بوون. لهگهل ههموو ئهمانهدا، ئهمرو لهم كومهلگايهدا جنوني ئيلاهيو جههالهتى دينی و جانهوهرانى ئيسلاميى حوكم دهكهن. يوگسلافيا، كومهلگايهكى موديرنى سهنعهتيو بهههموو ستانداردهكانى ئهمرو كومهلگەيهكى شارستانى بوو. يوگسلافهكان باسى ئهوه ئهكهن كه چون بهر لهم رووداوانه ئينتماى قهومي و ميللى خويان ههر لهبير نهبوو. نهيان ئهتوانى تهسهورى ئهم وهزعه بكهن. ههتا ئيستاش باوهر ناكهنو نازانن بوچى ئهمه رووى دا.
ئهوهى كه قهوميهتو قهوم پهرستى لهكومهلگەى ئيراندا ريشهو زهمينهيهكى بههيزى نييهو ئهوهى كه خواستى فيدراليزم جيگايهكى لهنيو خهلكيدا نييه، بهو مانايهيه كه رهوهندو رهوتو بزووتنهوه سهرهكييهكان له كومهلگەدا بهم ئاراستهيهدا ناڕون. بهلام پرسيار ئهوهيه كه كومهلگە چهنده لهبهرامبهر جموجوله قهوم پهرستانهكاندا پاريزراوهو لهپيشدا چهنده ئامادهيى بهرگرى لهخۆكردنى ههيه لهبهرامبهر هيرشى داهاتووى ئهم پاشهوپاشگهرانهوهيهو كونهپهرستييه قهومييهدا. ههروهك نادرى بهكتاش دهليت ناسيوناليزمو قهوم پهرستى وهكو ئهو فايروسانه وان كه لهحالهتى متبووندا دريژه بهژيانى خويان دهدهنو لهههلومهرجيكى تايبهتدا چالاك دهبنهوهو تهنانهت ههندێ جار دهبنه مايهى پهتايهك. ناسيوناليزمو قهوم پهرستى لهكومهلگەى ئهمروى ئيراندا نهخوشييهكى سياسي- فهرههنگيى باو نييه. بهلام نه ريشهكيش كراوهو نه كومهلگە لهدژى ئهمه تهلقيح كراوه. بوونى ههر ئهم فيدراليستو دهسته دواكهوتووانهى كه ههر ئيستاو لهوپهرى بيشهرمی و گهوجيتيدا دهستيان كردووه به دهركردنى ناسنامه قهومييهكان بو خهلكى ئيران، شايهتى ئهوهيه كه ئهم فايروسه ريشهكيش نهكراوه وه دهتوانى، بهتايبهت له ههلومهرجيكى پر لهئالوگورو گورانكاريى سياسيدا، ببيته مايهى گهليك موسيبهت. دهركردنى ئهم بهياننامهيه بو دروستكردنى ئامادهييو بهرگرييه لهكومهلگەدا. ههروهها دهركردنى ئهم بهياننامهيه راگهياندنى راستو رهوانى ئهو واقعييهتهيه بهناسيوناليستو قهوم پهرستانو ميللهتگهراو روشنبيره گهوجهكانی دهوروبهريان كه كومونيزمى كريكارى ليبراوانه لهبهرامبهر ئهم پاشهوپاش گهرانهوهيهدا رادهوهستيو ئهم جهماعهتانهو ئهم ئارهزووه دژى ئينسانيو دژى كريكارييانه لهنيو خهلكيدا رسوا دهكات. ناكرى بيست سال خهلك به دين ئهسير بكهنو بكوتنو دواتريش بيست سالى تر به قهوميهتو ميللهت. ئيمه ريگا نادهين.
ئهنتهرناسيونال: بهياننامهكه سهههلدانى شيعارى فيدراليزم راستهوخو گرى دهدات به مهسهلهى كوردهوه. ئهمه پيويسته تيشكيكى زياترى بخريته سهر.
منصور حكمت: ههروهك باسم كرد ناونانى ميللى و قهومى له خهلك، چ جاى بگات به كيشمهكيشه ميلليو قهومييهكان لهنيوان بهشه جياجياكانى كومهلگەدا دياردهيهكى لهميژينهو باوو ههمهگير نييه له ولاتدا. ئاشكرايه كه لهفولكلورى دواكهوتووى قهومهكاندا (ههر قهوميك)، خوپهسهنديى قهومی و شوفينيزمو سل كردنهوه له بيگانهو تاد ههيه. له ههموو ولاتاندا، تهنانهت لهنيو يهكپارچهترين “ميللهتان”يشدا ئهمه ههيه، وه ئاشكرايه كه تا وهختيك سهرمايهو سهرمايهدارى ههبيت ئهم جوره تهفرهقه خستنه نيوان خهلكييهش ههر دهمينيتهوه. ئيرانيش لهمه بهدهر نييه. بهلام ههر چاودێرێك كه مهبهستێكى ترو نهخشهكاريكى شاراوهى ترى نهبيت، دان بهوهدا دهنيت كه كومهلگەى ئيران كومهلگەيهك نييه كه وهها لهنيو چنگالى كيشمهكيشو تهحهممول نهكردنى قهوميو ميلليدا گيروده بووبيت كه چاوهريى ئهوه بيت حهكيميك به نوشداوهريى فيدراليزمهوه فرياى بكهويت.
كاتيك ورد دهبيتهوه دهبينى كه پهيدا بوونى سهرو كهللهى ئهم مهقولهيه لهم دهورهيهى دواييدا پهيوهسته به مهسهلهى كوردو ساتو سهوداو گفتوگوكانى حزبى ديموكراتهوه لهگهل ئوپوزسيونى ميلليدا كه بهقسهى ديموكراتهكان برياره له سبهينيدا دهولهتى مهركهزى له ئيران بهدهستهوه بگرن. ههموو مهسهلهى حزبى ديموكرات ئهوهيه كه ناوو ناتورهى جياخوازى نهخهنه پالى، بهتايبهت كه درندهيى ناسيوناليسته مهزنخوازه ئيرانييهكانو ئهو تاوانانه دهناسى كه ئامادهن لهژير ئالاى بهرگرى كردن له “يهكپارچهيى خاك”دا وهريى بخهن. بيگومان خودى حزبى ديموكرات له ريزى پيشهوهى “ئيرانچيتى”و بهرگرى كردن له “يهكپارچهيى خاك”دا راوهستاوه. وهختيك عفت داداشپور له بلاوكراوهى “نيمروز”دا راى سكرتيرى گشتيى حزبى ديموكرات، مهلا عبدالله حسنزاده، ئهپرسيت لهسهر ههلويستى حزبى كومونيستى كريكاريى ئيران (بهرهسمييهت ناسينى مافى جيابووونهوهى كوردستان، گهرانهوه بو راى خودى خهلكى له ريفراندوميكدا لهسهر جيابوونهوه يان مانهوه وهكو هاوولاتيانى خاوهن مافى يهكسان لهچوارچيوهى ئيراندا)، جهنابى حهسهنزاده ههلئهچيو دهلـێ: “نهخير ئيمه جودايى خواز نين” وه بو ئاسودهكردنى خهيالى دهولهتى مهركهزى ئاينده سنووربهندييهكى ئاگردار لهگهل ئيمهدا دهكات. حزبى ديموكرات ئوتونومى دهويتو بهو ئهنجامه گهيشتووه كه به گشتگيركردنى خواستهكهى خوى بهسهر ههموو ولاتدا، به بهدهستهوه دانى فورموليك كه تيايدا ناسيوناليزمى كورد لهبهرامبهر دهولهتيكى ناسيوناليستى مهركهزيدا بهتاك نهكهويتهوه، باشتر بهم ئامانجه دهگات. فورمولـى فيدراليزم ئهو كومهكه بهحزبى ديموكرات دهكات كه ئوتونومى بوێت بێ ئهوهى كه كوردستان وهكو حالهتيكى استسنائى سهير بكريت. فيدراليزم واته ئوتونومى بدهن “به ههموو ئهو ميللهتانهى كه ئيران پيكدههينن”، لهوانهش ميللهتى كورد بهرابهرايهتى حزبى ديموكرات. جا ئهگهر باقى خهلكى ئيران، وه لهناوياندا بهشيكى فراوان له خودى كوردستان ئيلزامهن به ناوو ناتورهى قهوميى وهك فارسو لورو گليكو ئهفغانيو كوردو عهرهبو بلوچو توركمان خويان پيناسه ناكهن، ئهوا چاكتر. لهوبهرى ئهم ساتو سهودا كونهپهرستانهيهوه، رهوته ناسيوناليستييه ئيرانييهكان راوهستاون كه خويان لهگهل مهسهلهى كورددا بهرهوروو دهبيننو ئهمه به يهكيك له گرى سهرهكييهكانى مهحكهم كردنى حكومهتى داهاتووى خويان دهزانن. ئهمانه له شيعارى فيدراليزمدا دهروازهيهك دهبيننهوه بو شاردنهوهى مهسهلهى كوردو خولادان له گهرانهوه بو راى خودى خهلكو ساتوسهوداكردن لهگهل حزبى ديموكراتدا. سهرچاوهى باسى فيدراليزم دهگهريتهوه بو ليكدانهوه ههلپهرستانهو پێ لهههواكانى چهند حزبێكی سياسى دهربارهى مهسهلهى كورد، ئهمه خوى لهخويدا نه ئهوهنده جيگهى نيگهرانييهو نه وهلامدانهوهش پيى له كهنالـى تهبليغاتى روژانهى كومونيستی و دژى ناسيوناليستييهوه كاريكى دژواره. بهلام له هاوشانى دوو لايهنه سهرهكييهكهى ئهم باسهدا، كه ههريهكهيان بهشوين بهرژهوهندييه ماددييهكانى خويانهوهن، وهك ههميشه ريزيكى تهواو له كهسانيك پهيدا دهكهين كه پييان وايه بهپيى كارى شهريفى روشنبيری و روژنامهگهرى، يان بهپێى پيداويستييهكانى گروپداری خويان، دهبى حهتمهن بێ قووڵبوونهوهو بهپێى مودى ئهو روژه شتيك بلينو خويان شيرين بكهن، وه ئهمانه بهشايهتى چارهنووسى تالى خهلكى يوگسلافياو سوفيت، له ههلومهرجيكى وادا ترسناكترين عونسرهكانن. بهراستى ناچيته عهقلهوه كه كهسيك له پهنجهرهى مالهكهيهوه تهماشاى يارى منالهكهی و منالى دراوسيكانى بكات، دواتر ئاهيك ههلكيشيتو قهلهمهكهى بگريته دهستو جاهيلانه خهلكى ولاتيكى ٦٠ مليونى بهسهر ٩ ميللهتو ١٣ قهوميهتو ٥ تاقمى زمانيی و قسهى لهم بابهتهدا دابهش بكاتو نهخشهى ئهوه دابريژى كه ئهمانه دهبى شارو گهرهكهكان بهپيى خشتهكهى ئهو لهنيوان خوياندا دابهش بكهنو لهبهرامبهر يهكتردا بووهستنهوه. ئهگهر ئهم جوره ئهفكاره گهوجانه ئهنجامى ئاوا خويناوى لـى نهكهوتايهتهوه، رهنگه تهنانهت ببووايهته مايهى گالتهجاريى گويگرانيشى. بهلام مهبهستيان بيت يان نهبيت، ريگا خوشكهرى پاكسازييه قهومی و ئيعدامه بهكومهڵهكانى سبهينين. ئهمانه خهريكى پيلانگيرانن لهدژى ژيانو گيانى ئهو منالانهى دهرهوهى پهنجهرهكه، بويه حهساسيهتى مهسهلهكه ليرهدايه.
ئهمه دنياى ٣٠ سال بهر لهئيستا نييه. شورشى ئهلكترونی و ئينفورماتيكو سهرههلدانى ميديا سمعی و بصرييه جيهانييهكان، ژورناليزمى نوكهرو موههنديسيكردنى ئهفكارى كردووهته فاكتهريكى چارهنووسساز له هاوكيشهكانى دهسهلاتو رهوتى ئهوزاعى سياسى له ولاته جياجياكاندا. تهنانهت گهوجانهترينو بهعهقلانههاتووترين ئامانجى سياسيو نهخشهى كومهلايهتى، ئهگهر لهچوارچيوهيهكى فراوانترى چينايهتي و جيهانيدا بهكهلكى بهشه جياجياكانى چينى دهسهلاتدار بيت، يهكسهر پهرو بالى بو دروست ئهكريتو دهئاخينريته ميشكى خهلكهوه. مهسهلهكه له ورده ليكدانهوهكانى حزبى ديموكراتو پاشماوهى حزبه ميللی و جمهوريخوازو ئارياميهرييهكان گهوره تره. ئهمانه خۆيان بازيچهن. ئيمه دهبى گشت يارييهكه بكهينه شتيكى نهكرده.
ئهوهش بڵێم كه تا ئهو جيگايهى پهيوهندى به مهسهلهى كوردهوه ههيه ئهوه خودى خهلكى كوردستانن كه دهبى له ريفراندوميكى ئازاددا دهربارهى جيابوونهوه يان مانهوه لهچوارچيوهى ئيراندا وهكو هاوولاتيانى خاوهن مافى يهكسان بريار بدهن. ئهوه تهنها ئهم بريارهيه، جا ههرچييهك بيت، مهبدهئييهتو شهرعييهتى ههيه. مهسهلهى كورد مهسهلهيهك نييه لهسهر شهريكه بهش بوونى حزبى ديموكراتو باقى حزبه خودموختارى خوازهكان له بونيادى دهسهلاتو سپاردنى “حوكمرانيى كوردستان”، لهسهرووى خهلكهوه، بهوان. بهندوبهستو گفتوگوو ساتوسهوداى حزبهكان لهسهر كوردستان هيچ مهشروعييهتيكى نييه.
ئهنتهرناسيونال: ههنديك له ريكخراوه چهپهكان وتوويانه كه حزبى ئيمه لهو مهترسييانهى كه له وتارى “سيناريوى رهشو سپى”دا باس كراوه موبالهغهى كردووه. پێت وانييه ههلويستيكى ههرلهم جوره بهرامبهر بهم بهياننامهيهش بنوێنرێت؟
منصور حكمت: بهينى خومان بيت، لهگهل ئهوپهرى ريزمدا بو تاك تاكى ئهندامانو ههلسوراوانو رابهرانى خانهوادهى چهپى دژى سهلتهنهتی و تهقليديى ئيران وهكو ئينسان گهليك كه سهرهنجام به ههر زمانيك بيت خيرى خهلكى زهحمهتكيشيان دهويت، دهبى بليم وهكو حزبو ريكخراوى سياسى نه ئهوان به سوشياليست دهزانمو نه هيچ باوهريكم به تواناى تهشخيسى ئهوانو تواناى ئهوان ههيه له گێڕانى دهوريكى كارساز لهجيهانى پاش جهنگى سارددا. ئهمانه تهيفيكى بهسهرچوو و بێ ئاسۆن. ههلويستى ئهم تهيفه لهبهرامبهر ئهم بهياننامهيهدا فاكتهريكى گرنگ نييه. رهنگه لهمه گرنگتر، ههلويستى بهياننامهكه بيت بهرامبهر بهوان.
بهلام بهياننامهكه لهبنهرهتدا رووى دهمى لهوان نييه. رووى له خهلكو بهتايبهت چينى كريكاره، كه بهماناى كومهلايهتی و سياسی و ميژوويى سهرنج بدهنه ئهم وشهو شيعارانهو نهكهونه داوى ميللى چيتی و قهوم پهرستييهوه، وه بۆ وهستانهوه بهروويدا ئامادهبن. بهپيچهوانهى باسى سيناريوى رهشو سپييهوه، ئيمه ليرهدا تهئكيدمان لهسهر ئهوه كردووه كه ئهگهرى داسهپاندنى شيعارى فيدراليزم بهسهر كومهلگەى ئهمروى ئيراندا زور لاوازه. بهم پييه باسهكه لهسهر موبالهغه لهمهر رهوتى ههلومهرجى بابهتى نييه. باسهكه لهسهر ئهو بۆگهنييهيه كه لهخودى شيعارو ليكدانهوه ميللييهكانو لهوانه شيعارى فيدراليزمدا خوى حهشار داوه. لهمهدا لهبنهرهتدا ناكرى موبالهغه بكريتو ههرچييهك بووتريت هيشتا كهمه.
ئهنتهرناسيونال: ئايا دهكرى بڵێين ئهم شيعاره خهسلهت نماى ئهو حزبو رهوتانهيه كه تهرحيان كردووه، وهدهبى لهم چوارچيوهيهدا داوهرييان لهسهر بكرى؟ ئايا بهم بهياننامهيه شيوهى ههلويستو پهيوهندى حزب لهگهل ئهو رهوتانهى كه لايهنگرى فيدراليزمن گورانى بهسهردا ديت؟
منصور حكمت : بهبرواى من لهئاستى تيوريدا دهكرى لهسهربناغهى ئهم شيعاره داوهرى لهسهر حزبهكان بكريت. ههروهكو چون دينى بوون، شوفينيستى ميللى بوون، سهلتهنهتخواز بوون وهيان دژايهتى كردنى يهكسانى ژنو پياو، لهجهرگهى ميژووى سياسى هاوچهرخى ئيراندا بۆ به كۆنهپهرست ناوبردنى رهوتيك كافييه، بروابوونيش به دهركردنى ناسنامهى قهومى بو خهلكو دروستكردنى دهولهت لهسهر بناغهى ئينتماى ميللی و قهوميش بۆ به كونهپهرست له قهڵهمدانى رهوتيك كافييه. ئهگهر پرسياريك ههيه ئهوهيه كه ئايا بوگهنيى شيعارى فيدراليزمو مانا دژى كومهلايهتی و دژى ئينسانی و دژى كريكارييهكانى بهقوولی و لهئاستيكى فراواندا ناسراوه يان نا. رهنگه هيشتا ناسراو نهبێ. ئهمه ئهوه دهخوازى كه لهسهرهتاوه بو دهورهيهك ههول بدهين ئهم فورموله له بهرنامهو تهبليغاتى ئهحزابى ئوپوزسيوندا نهمێنێ. ههلبهته ئاشكرايه كه ههر لهئيستاوه ههر رهوتيك كه هوشيارانهو سهرسهختانه داكوكى له فيدراليزمو ريكخستنى قهوميى كومهلگە بكات دهبى به رهوتيكى كونهپهرست بژميردريت.
ئهنتهرناسيونال: ئهم بهياننامهيه چ ههلسورانيك دهخاته بهردهم ههلسوراوانى حزب؟ ههلسوراوانى حزب دهبێ لهبهرامبهر ئهو رهوتانهى كه شيعارى فيدراليزميان تهرح كردووه چى بكهن؟
منصور حكمت: ئهوه روونه كه ليرهدا ناكرێ و پيويستيش نييه كه ليستيك ههنگاو ههلگرتن ريز بكهين. مهسهله سهرهكييهكه ئهوهيه كه ئيمه ناوهرۆكى ئهم شيعاره، به تهواوى وجودييهوه وه لێبراوانه بو خهلكى روشن بكهينهوه. ئهو حزبانهى كه ئهم شيعاره تهرح دهكهن له ههركوى بنو بوكوى بچن دهبێ ههست به فشارى رهخنهى ئيمه بكهن لهسهر خويان. دهبى بيركردنهوهو سياسهتى قهومی و ميللى بيئابرو بكهين، ههروهك چون بيركردنهوهو سياسهتى دينيى ئهمرو بێ ئابروو قێزهونه. ئهگهر نهڵێين ههموو خهلكى زهحمهتكيش، لانى كهم دهبى بهشه چوستو چالاكو ههلسووراوهكانى چينى كريكار لهئيراندا وهها هوشيارانه بيزار بن له كونهپهرستى ميللی و قهوم پهرستی و نهفرهتى لـێ بكهن، كه شيعارى فيدراليزميش جگه له يهكيك له شته رتوش كراوه لوكسهكانى شتيكى تر نييه، وه لهبهرامبهريدا حهساس بن كه هيچ هيزيك نهتوانى سبهينى به دروست كردنى كيشمهكيشو كارهساتى قهومى بهر به پيشرهويى كريكارو كومونيزمى كريكارى بگريتو روژگاريك بهسهر خهلكيدا بهينن كه له يوگسلافيا بينيمان. تهبليغاتو ئاكسيونهكانى ئێمه دهبى سهرههلدانى توجمانهكانو ئيززهت بگوويچهكانو كاراديچهكانو ملاديچهكانو ميلوسويچهكانو ژيرينفسكييه نيشتمان پهروهرهكان بكاته شتيكى مهحال. له يهك رستهدا، ههم دهبى ئامادهيى زهينيى خهلك بهرينه سهرهوهو ههم قهوم پهرستو هاوكارهكانى سبهينييان لهوه حالى بكهين كه لهگهل هێزيكى كومونيستى كريكاريى لهسازش نههاتووو بهرچاو روشندا بهرهوروون.
يهكهمين جار له مانگى جون-ى ١٩٩٦دا له ئهنتهرناسيونالى ٢١ بلاو بووهتهوه