وەفا…
وەك ئەوەی باسی حەیاکەن
لە خانەی بێ حەیاکانا ..
وەك ئەوەی ماسی سەواکەن
لە بازاڕی بیـابـانا ..
هەندێ دێن و باسی هەجری وەفا دەکەن .. لە میرانا!
لە خاکی قاقڕی هەست و هەواری جرج و مشکانا ..
لە دەهری بارینی ژەهرو لە قەهری عەرشی گیرفانا ..
دێن و باسی وەفا دەکەن،
لە وەرزی دزینی نانا ..!!
چ خۆشخەیاڵ و بێ باڵن لە خانەی بێ حەیاکانا
بەدوای حەیایا عەوداڵن..
ئەو مەلانەی لە ئاسمانی تەمنشینی تراویلکەیا
چاوەڕوانی میهری داڵن!!
بەندی عەلی