درۆ دەکەن…
چ بێ پەردە درۆ دەکەن
لە خاکی گەرمە بازاڕا
باسی ئازادیم بۆ دەکەن !
دوا تنۆکی ئاویان دزی
دوا گوڵەوەچنەی گەنـم و
دوا بریسکەی چاویان دزی
دوا هەناسەی بـایـان دزی
نزای دەستی هەڵبڕاوی
خێڵی بێ پەنـایـان دزی
سیحری مانگە شەویان دزی
بۆن و بەرامەی خەیاڵ و
تام و چێژی خەویان دزی
دوا بزەی سەر لێویـان دزی
دوا چپەی بن گوێی ئومێدو
دۆندی شکۆی کێویـان دزی
چ بێ پەردە درۆ دەکەن
لە خاکی گەرمە بازاڕا
باسی ئازادیم بۆ دەکەن !
بەندی علی