دیوار کۆی ژورە یاخییەکان… نووسینی: سەلام سەعید

 ئەوەتەی هەم لەڕابردو ئەڕوانم

 سەرنج لەزەردەپەڕو

گرنگی بە هەنگاوەکانم ئەدەم

 کراسێ لە دودڵی دائەماڵم

لەسەر بانیژەی  چاوەڕوانی

ئەڵێم ئەبێ سبەی چ ئاگر

بارانێك بێت

ئەوەتەی هەم

 پڕ لەهەناسەی دڵنیایی

 مەلی خەیاڵم نەفڕیوە

 سەدان ڕۆژی تاڵم بەڕێکردوە

چبکەم کەنەتوانم چاو دابخەم

 من قینمە لەهەمو دڵشکانێك

 ڕقمە لەهەمو ئەو دەنگانەی

 بەڕەقی لەسنگی دیواری

دڵ ئەدەن

هەرچەند ئێرە وڵاتی زامە

 سەربوردەی گۆرانیە ئازاراویەکان

لێرە  ڕێچکە  ڕێگایان  گرتوە

من شارەزای هەموو   کۆڵانەکانی

  ئەم شارەم

 لەژێر  زۆر  چرای  فانۆزدا

نامە یاخیەکانم خوێندۆتەوە

دیوار کۆی ژورە یاخیەکانم

 لەڕوحی هەمو خورپە.

ناغافڵەکاندا بەپەلە

 کوژاندۆتەوە

 لەترسی ئەو ئێوارانەی

ترسمان میوان ئەکرد

 گریانمان تیا ئەنوسیەوە

 لاپەڕەیەکی نوێی مێژومان

 تیا ڕەش ئەکرد

 دەی من بیرە وەریەکانی باوکیشم

خوێندۆتەوە

 پڕاو پڕە لەترس

 ترسی ئێوارە ژاکاوەکان