دەربارەی تێپەڕاندی پرۆژە یاسایی هەمواری باری کەسێتی و لە پەرلەمانی عێراقدا لە ڕێکەوتنێکی پڕ شەرمەزاریدا… بەرێزان جیهاد حەمە کەریم و ئارام حەمە ساڵح وەڵامیان داوەتەوە… جیهاد حەمە کەریم: هەمواری پرۆژە یاسای باری کەسی عێراقی، هەرچەندە بە ئاشکرا تەمەنی نۆ ساڵی بۆ بەشودانی کچان دیاری نەکردووە، بەڵام دەسەڵاتی مەزهەبی بەرز کردۆتەوە بۆسەر دەسەڵاتی یاسا، مەزهەبی جەعفەری رێگەی بەشودانی تەمەن نۆ سال داوە. هەرچەندە ئەم چیرۆکە بۆ یەکەمجار دەگەرێتەوە بۆ فتوای مەلایەک کە والی خواستی کچێکی تەمەن نۆ ساڵی بەدڵە و داوا بەرێگەی حیلەی ئایینی بەمەرامی خۆی بگات، چەندین سەدە بەسەر ئەم چیرۆکەدا تێپەریوە تازەبەتازە پەرلەمانی عێراق بە خوێندەوارو بروانامەدارو یاساییەکانیەوە ئەم برگەیە زیندوو دەکەنەوە.