پەڕ لەوان و تڕررر لەمان… ڕێبوار حەمە شەریف
پێدەچێ ئێمەو
ئێوە
بوونەوەرێک، نەبین لێرە؟
لە وەتەی ئێوە” هەن
هەسان ‘سینەی بۆساتێکيش چۆڵ ناکات، لە خەنجەر و
بیابانیش، بێ لافاوی خوێن،
بیری (مآوآ)ی لێ (هەڵ)/ ناچنێ
ئەدی .
بۆچی
من‘ نابینم؟
حوشتر فیری مۆدێنە بێ
دڕک خۆرەو هەتا ئێستاش
کاوێژە ئەکا!!،
مارول مێلکەی ژێر لمی گەرم
هەتا ماوە !
بۆچی ….
فيری
فڕين نابێت ؟؟.
عەوامێک و هەزاران
سەدەیە،
دێڕو دەقێک ،،، بن، بان وسەربان
سەر زوان و زمان
دەشت و دەری تەنییەوە،
چووە سینەو،
هەزاران “ جار بەرگی گۆڕی
ڕستەی دەمی (پێنج خەليفە)””’
شافیع حەنیفە و الوهاب
تا /
بە ئێستای (وهاب و ئخوان)ی ،، (حسن والبناە)
شۆڕبوویەوە ،،،
درێژ درێژ،
دیسانەوە قفڵیان لە عەقڵ دایەوە،!
(بابل) وێرانە بوو…
بەن و المعاویەی
شەڕە گەڕەک و، خێڵ و، سەرە سەرۆک،
کورسی گۆڕا،
دەست بەدەستی (مال الدولە)،
گیرفان، پڕکەر و هەزاران کەنیزەک
تا خولەفای (ئبن الـ نصر)
ئەو باغی داد پەروەریشی گرتەوە .
کۆشک دامەزرا
مەمک و پرچی ژن بوو
بەپێ پلیکانەی دەستی خەلیفەکان و پێیدا سەرەکەوتن،
تا ژووری سوور!
لەوێ …
حوجرەی مەلای قوم وتاران
وانە زانی فەرەنسەوی،
شەڕی کۆنە قين و
(بنی هاشم و بنی القوریزە)
وەک شێر پەنجە
لەناو جەستەی نەخوشێکا
سەریهەڵدایەوە،
جەنگ بەرپابوو
بووبە هۆی …
ماڵوێرانی و
سەر بڕین و
کوێرەوەری
وتمان” سەبرێک،
هەر دەگۆڕێ و
هەر نەگۆڕا
حوشتر ئاسا ميز بۆ دواوە !
ئێستە ديسان
لە سەدەی بیست و یەک و
مۆدێرنەدا،
فڕين بۆ سەر ئەستێرەکان
جیهانێکی گلۆبالی،!
سەیرە، کەلـلەی سەرم
وا خەریکە هەڵەئاوسێ و
ئاوس دەبێت،،
لە پەڕلەمانی گەمژەو و ناو گەڵ
دەستەو ڕۆشنگێڕی دوو ڕوو
نا نووسەری
جاش قەڵەم وهەلپەرست
مشەخۆری بێ ئابڕوو…!
دەست هەڵەبڕن بۆ یاسا //:ی
(سييغە و مسیار، و چوار ژن)
بۆ پياوێک کە ببێتە ( ال ـ مودە)!!
گۆڕینەوەی سەر بەسەرو و
ژن کوشتن،
ملهاو دۆلار ڕشتن
دەستور درا لە (پێ و پێڵاو پڕری )مامانەوە
بە دەستورێ …. (الزواج والحلال)
کچۆڵەی بەر بەیانی پشکوت و خونچە گوڵێ
بێ سینەو مەم
تازە چرۆی وا بەهارێ
کەڵتە پيرەو ناوگەڵ و دەم، بۆ گەن
وا بەنیازە، دەم بنێتە (نۆ)
نۆزەندەیێ ..و شەهوەی ڕقی تێبژەنێ …
پياوی ئازا با بجەنگێ
دەستور دەستوور،،،،،،
لە ئبن الجعفرەوە بۆ
بنی الهاشم،،،،
تۆڵەو هەقی جەنگی جەمەل
ئەکەنەوە.
ئێوە ئەی ژن
هۆ ژنانی وڵاتی من ‘
بۆ چیرۆکی کيژۆڵەی نۆ ساڵەی نۆ ژین
چی دەبێژن ؟؟؟؟؟؟