پرسی رۆژ دەربارەی بە تایبەتیکردنی خزمەتگوزارییە گشتییەکان بەڕێز بەهادین بەکر دارتاش ناسراو بە ”ڕێبوار عارف“ ئەندامی کۆنگرەی ئازادی و گۆڕانکاری وەڵامی پرسەکە داوەتەوە…

پرسی رۆژ: بەتایبەتکردنی(ئەهلیکردن) دامودەزگای تەندروستی لەکوردستان.
یەکێک لەوگۆڕانکاریانەی کەحکومەتی هەرێم دەستی داوەتێ بریتیە لەگواستنەوەی دامودەزگا گشتیەکانی خەڵک وحکومەتە لەکەرتی گشتیەوە بۆکەرتی تایبەت،بەتایبەت دامودەزگا خزمەتگوزارییە ئەساسیەکانی وەک (تەندروستی، پەروەردە، رێگەوبان و…تاد). ئەمەش گوزەران وژیانی خەڵکی کەمدەرامەت بەتایبەت زۆر قورستر دەکات وکەم خێزان وکەس دەبێت دەستی پێی بگات.
لەم مانگەدا حکومەتی هەرێم دەستیبردووە بۆ گواستنەوەی تاقیگەکانی ناو نەخۆشخانە گشتییەکان بۆکەرتی تایبەت بەنموونە.
بەڕێز بەهادین بەکردارتاش ناسراو بە( رێبوار عارف) ئەندامی کۆنگرەی ئازادی وگۆڕانکاری وەڵامی پرسەکەمانی دایەوە:
پرسی رۆژ: رێکخراوی (کۆنگرەی ئازادی وگۆڕانکاری) چۆنە و کەی دامەزراوە وریشەکەی لەکوێوە هاتووە؟
بەهادین بەکردارتاش: کۆنگرەی ئازادی و گۆرانکاری ڕێکخراوێکە بەرهەمی دووسال باس و دیداری دەیان کەسایەتی و هەڵسوڕاوی جەماوەری دیارە لە ئاستی سەراسەری عێراق بە کوردستانیشەوە. دەتوانین بڵێین لەم دوو ساڵە زیاتر لە ١٥ کۆرو کۆبوونەوەو سیمنارو کۆنفرانس وکۆبوونەوەی گشتی ئەندامان، وهەڵسوڕاوانمان لەزۆرێک لە شارەکانی کوردستان و عێراق ئەنجامداوە بۆ لێک نزیک بوونەوەو لێکهەڵپێچانی دەیان هەڵسوڕاو وکەسایەتی، و هاوکات دروستکردنی دەنگ و هەڵوێستێکی هاوبەش لەسەر چۆنیەتی دروستبوونی ئەم رێکخراوە. هەروەها خۆجیاکردنەوەو پشت سەرنانی زۆربەی زۆری ئەو شێوەکارو بیرکردنەوانەی کە لە رابردودا بەرۆکی بە رێکخراوە جەماوەریەکان گرتبوو، لەپاڵ ئەمەشدا دیارە سوودمەندیش بووین لە مێژووی ئەو ئەزموونەی کە بەهەر کەموکویەکیشیەوە هێشتا جێگەی بایەخ پێدانە.
بەبڕوای من ڕەنگە جەوهەری ترین خاڵی پرشنگداری کاری ئێمە لە ماوەی ئەو دوو ساڵەی رابردمان ئەوە بووبێت کە ئێمە لەم مێژووەدا بە تایبەت لە کوردستان ئیدغامی نارەزایەتییە جەماوەریەکان، و بەڕێکەوت نارەزایەتی دەربڕینێک هەبووە کە کارمان تێدا نەکردبێت، بەتایبەت لە ماوەی پێنچ مانگی نارەزایەتی مامۆستایاندا. بە مانایەکی تر؛ ئێمە دەستبەکارو لەدایک بوونی کارمان لەجەرگەی نارەزایەتیەکاندا بووە.
هەربۆیە دەتوانین بلێین ڕیشەی دروستبوونی ئێمە لە نێو جەرگەی نارەزایەتیەکانەوە بووە بە ئامانجی سەروسامان پێدان ورێکخستنی شەقام وئەو نارەزایەتیانە. هەر لێرەشەوە هەموو ئەو هەڵسوڕاو و کەسایەتیانە بە هاوخەبات و هاوکاری ئایندەی خۆمان دەزانین کە لە خەمی ڕێکخستنی شەقام ڕاوەستاونەتەوە دژ بە ناعەدالاتی و ستەمگەری و زەوتکردنی ماف و ئازادییەکانی جەماوەری ستەمدیدە لە سەراسەری عێراق بە کوردستانیشەوە.
دیارە کۆنگرەی ئازادی لە ٢٩.١١.٢٠٢٤دا لە بەغدا پایتەختی عێراقدا بە بەشداری زیاتر لە شەست هەڵسوڕاو وکەسایەتی دروستبووە، لە ٢٢ شارەوە هاتبوون و لەکۆنگرەدا بەشداریان کرد!
پرسی رۆژ: ئێوە لە رێکخراوی (ئازادی وگۆڕانکاری)
کەمپینێکتان دەستپێکردووە بۆراوەستانەوە لەبەرامبەر ئەو بەتایبەتیکردنە؟

بەهادین بەکردارتاش: بەڵێ ئێمە هاوکات لەگەل ڕاگەیاندنی ئەم هەلوێستەی وەزارەتی تەندروستیدا دەستبەکاربووین و جیاواز لە پەیامی کۆمەلێک لە هەڵسوڕاوانی کۆنگرەو هەڵواسینی شیعارو فلێکس لە شاری سلیمانیدا. هەروەها بانگەوازی کۆمەڵێک هەڵسوڕاو کەسایەتیمان کرد بۆ پشتگیری لەم کەمپەینە کە لە ئاستێکی فراواندا دەیان کەسایەتی پەیامی خۆیان ناردو، ئێمەش لە شێوازی جۆراوجۆردا دەستبەکاری بەرەوپێش برنی کارەکانی ئەم کەمپینەین، کە ڕەنگە تائێستە بەشێکیتان کەوتبێتە بەرچاو، کە جێگەی خۆیەتی ئەوەش بڵێم کارەکانی تائێستەی کۆنگرەی ئازادی و خەڵکانی نارازی سێ جار وەزیری تەندروستی هێناوەتە سەر خەت، و لە تەقەلایەکی زۆردان بۆ بەلارێدابردنی ئەو خەڵکە، بەلام بەردەوام ئاستی نارەزایەتیەکانی ئەو خەڵکە زۆرترو فراوانتر دەبێتەو ئێمە هەموو رێگەیەک دەگرینەبەر بۆ پاشەکشە پێکردنی ئەو بریارە!

پرسی رۆژ: ئامانج لەوکەمپینە چییە ومیکانیزمی راوەستانەوە بەرامبەر ئەم جۆرە لەبڕیاری حکومەت چۆن دەبێت؟

بەهادین بەکردارتاش: لە راستیدا لەم سەرەتای دەستبەکاربوونەماندا ئێمە دەمانەوێت لەم هەڵمەتەدا کار بۆ ئامادەکردنی بیروڕای گشتی و هەڵخراندنی شەقام دژ بەم بڕیارەی وەزارەتی تەندروستی، و ڕاوەستانەوە دژ بەم ستەمگەریەی بکەین کە دەتوانێت لە ئایندەدا بارگرانیەکی گەورە لەسەر ژیان و گوزەرانی خەڵکی هەژارو نەدار دابنێت، چونکە لە ئەگەری سەرکەوتنی ئەم بڕیارەدا؛ زۆربەی زۆری خەڵکی ئەم کۆمەڵگەیە لە کۆمەڵێک مافی سەرەتایی خۆیان بێبەش دەکرێن کە بەدڵنیایی هەنگاوی زۆر گەورەترو پر مەترسیدارتر بەدوای خویدا دێنێت کە هێشتا نەیانخستووەتە ڕوو.
سەبارەت بە بەشی دووهەمی پرسیارەکەتان مەسەلەی میکانیزمی کارو چۆنیەتی راوەستانەوەمان دژ بەم بڕیارە؛ وەک خۆتان ئاگادارن سەرەتا ژمارەیەک لە هەڵسوڕاوان وەک دەستپێکی دەستبەکار بوونمان هاتین پاش بڕیارێکی ڕێکخراوەی بۆ راوەستانەوە دژ بەم بریارە هاتین لە گرتەیەکی ڤیدیۆییدا، ژمارەیەک لە هەڵسوڕاوان پەیامی خۆمان بڵاوکردەوە لە پەیوەند بەم مەترسیە گەورەیەی کە وەزارەتی تەندروستی دەستی بۆ بردوە. بۆیە ئەو پەیامانەی ئێمە سەرەتایەک لە پەرچەکرادار بەرامبەر ئەوبڕیارە، تا بتوانین زەنگێکی ئاگادار کردنەوەی ئەم دۆخە لێبدەین، ئەوە بوو دواتر دەیان هەڵسوڕاو وکەسایەتی لە شارەکانی کوردستاندا پەیوەستبوون بەم هەڵمەتەوە، و سەرئەنجام لە ئاستێکی باڵادا خەڵکی کوردستان ڕاچڵەکینێکی تیادروستبوو کە ئێستە ئیتر کاتی ئاراستەکردن و سەروسامان پێدانی ئەو دەنگی نارەزایەتیەی کۆمەڵگەیە دژ بەم سیاسەتە دژی ئینسانیەی دەسەڵات، دیارە لە هەنگاوی دووهەمماندا ئەو کۆنگرە رۆژنامەگەریەمان ئەنجامدا کە دەیان هەزار هاوڵاتی بینەرو بیسەری پەیام و ڕاگەیاندنی ئێمە بوون. لەم کۆنگرە ڕۆژنامەگەریەدا. هەروەها لە ئێستەدا خەریکی ئامادەکارین بۆ ڕێکخستنی چەند خۆپیشاندانێک لە هەندێک لە شار وشارۆچکەکاندا. کە بەدڵنیایی رێگەو ڕەوشتی تری وەک بەدواچوونی یاسایی، یان هەر بژاردەیەکی ترمان لەبەردەستدایە!