هەر رۆژە هەڵسوڕاوێکی بزوتنەوەی یەکسانیخوازی ژنان لەسەر هەمواری یاسای باری کەسێتی بۆ بۆپێشەوە دەدوێن بەڕێز (یادە گۆران) ئەندازیار لەکەنەدا

دەربارەی هەموارکردنەوەی یاسای باری کەسێتی لەلایەن کۆمەڵێ ئەندام پەرلەمانی سەر بە ئیتار، و دواجار ڕێککەوتنیان لەگەڵ سوننەکان بە تەماحی یاسای لێخۆشبوونی گیراوەکانیان، و ڕزگارکردنیان، بە دڵنیایێەوە دەرهاویشتەی کۆمەڵێ فاکتی تریشە، گرنگترینیان:

یەکەم فاکت؛ دەسەڵاتی مەلا و پیاوی ئایینی و سەرچاوەی دەستور و یاسا ئایین بیت هەر ئەم جۆرە هەموار و یاسایانەی لێوە دەرئەچێ، چونکە هەگبەی ئایین هەر ئەمەی پێیە.
فاکتی دووەم؛ کەمکردنەوەی دەوری ئافرەت، و بە سووککردن و لە قاڵبدانی تەنها بۆ چواچێوەی  ماڵ و مناڵ خستنەوە و سڕینەوەی عەقڵ و زیهنی. دواجار ئەم جۆرە یاسایانە ئاشتەوایی کۆمەڵایەتی تێک ئەدات و ئەبێتە هۆی زەقبوونەوەی زۆرتری تایفەگەرایی. بە دیوێکی تردا؛ حکومەتی ئێستای عیراق هێچ سەرکەوتنێکی ئەوتۆی نییە لە دابینکردنی ژیانێکی خۆشگوزەران و ئازاد بۆ خەڵکی عیراق، بۆیە دواجار ئەم جۆرە هەموار و یاسایانە ڕاکردنە لە بەرپرسیارێتی و خۆڵکردنە چاوی خەڵکە لەو هەموو گەندەڵکاری و دزی وکوشتنەی کە ئەم هێزانە دەستوپەنجەیان نەرمکردووە لەگەڵیدا، وپێی تاوانبارن.