هەر رۆژە هەڵسوڕاوێکی بزوتنەوەی یەکسانیخوازی ژنان لەسەر هەمواری یاسای باری کەسێتی بۆ بۆپێشەوە دەدوێن…نازەنین ساڵح هەڵسوڕاوی بزوتنەوەی یەکسانیخوازی ژنان…
ھەموارکردنەوەی یاسای باری کەسێتی ژمارە ١٨٨ کە دەقەکەی ئەوەیە کە تەمەنی یاسایی ھاوسەرگیری بە ١٨ ساڵ دیاری کراوە، بەڵام لە پێشنیاری ھەموارکردنەوەکەدا دەیەوێت تەمەنی یاسایی ھاوسەرگیری بۆ کچان بکات بە ٩ ساڵ.
ئەمە پێشنیارێکی زۆر کۆنەپەرست و دژە ژن و دژە منداڵان و دژە ئینسانییە وە ھەوڵێکە بۆ بە ئیسلامیکردنی دەسەڵات لە عێراق، ئەمە بێ ڕێزیکردنە بە ماف و خواستەکانی ژنان، شەرعیەت دانە بە دەستدرێژی سێکسی بۆ سەر منداڵان و لێسەندنەوەی مافی منداڵی و گەشەسەندن. ئەگەر ئەم گۆڕانە سەربگرێ و پیادە بکرێت کچان لە دەورانی منداڵی بێبەش دەبن و منداڵانیش لە دایک بێبەش دەبن. کچی نۆ ساڵ بەرگەی زەواج و دەستدریژی سیکیسی و سکپربون و ژانی مندالبون ناگرێت و ناشتوانی دایکایەتی بۆ منداڵێک بکات کە خۆی نۆ سال لە کۆرپەکەی گەورەترە.
لە کۆمەڵگەیەکدا کە مافی مرۆڤ و مافی منداڵ و مافی ژن مانای هەبێت ئەمە و هەرجۆرە پەیوەندیەکی سێکسی گەورە سال لەگەڵ کچانی ئەو تەمەنە بەتاوان و دەستدرێژی سیکسی ھەژمار دەکرێت.
ئەمە پێویستی بەوەیە کە لەلایەن هەمو هاوڵاتیەک کە تۆزقالیک ڕێز بۆ مافی ژن و منداڵ دادەنێت بە توندی بەرپەرچ بدرێتەوە. بە تایبەتی ژنان و رێکخراوەکانی لایەنگر لە مافەکانی ژنان لەسەریانە هەموو هەوڵێک بۆ ناکام کردنەوەی بدەن. شیعەکان بە خەونی بەرپاکردنی رژێمێکی ئیسلامی لە عیراق ئەم پرۆژەیەیان هێناوە و کێشەکە ئەوەیە لایەنەکانی تریش لە جیاتی ئەوەی زەرەیەک بەرپرسیاریتی لە خۆیان نیشان بدەن، خۆیان ئامادە کردوە بە ئیتفاقی سیاسی نانیک لەمە بخۆن.