هەر رۆژە هەڵسوڕاوێکی بزوتنەوەی یەکسانیخوازی ژنان لەسەر هەمواری یاسای باری کەسێتی بۆ بۆپێشەوە دەدوێن عەبدولکەریم سەرکەش: هونەرمەندی فۆتۆگرافەر.

بە پێی ئەزموونی تەمەن و خوێندنەوە و ئاستی تێگەیشتنم. یاسای باری کەسی زۆر بە گرینگ  دەبینم. لە هەر وڵاتێک و هەر سیستێمێکی بەڕێوەبردنی وڵات یاسای باری کەسی لە ژێر کاریگەری ئایین؍ مەزهەب؍ داب و نەریتی کۆمەڵایەتی خێڵ و گرووپی داخراو؍ دەقە کۆنە پیرۆزکراوەکاندا بوو؟ ئەوا بێ سێ و دوو یاسایەکی نا یەکسان و پڕ لە سووکایەتی پێکردن دەبێ بە کەسایەتی ژن بە پلەی یەک.
ئەوەی تراژیدیه لە کۆمەڵگەی عێراق و کوردستانی بە زۆر لکێنراو بە پاشکۆی سیستەمی مەزهەبی شیعەگەری عێراقی تا ئاستی لەشفرۆشی شەرعی و دەستدرێژی شەرعی و یاسایی بۆ سەر کچۆڵانی ژێر تەمەنی ١٨ ساڵ و ژنان بە گشتی شۆڕبۆتەوە.
ئەم‌ عەقڵیەتە پوورتوکاوە کۆنەپەرستانەیە بە پێی دەقە پیرۆزە ئایینی و مەزهەبیەکەیان ژن وا دەبینن کە لە پەراسووی ئادەم ی نێر پەیدا بووە بۆ دامرکاندنەوەی هەستی سێکسی نێرەوزی؍ وەک کاڵایەکی هەرزان بەها؍ ئەمە نەک هەر لەو ئاستە ناوەستێ کە ڕێپێدراوە هەر نێرێک چوار مێ مارەکات؟ بەڵکە ڕێپێدراوە دەستدرێژی یاسایی و شەرعی سێکس بکاتە سەر کچۆڵەی نۆ ساڵانیش! ئەمە لە خۆڕا نییە لە دەقە پیرۆزەکەیان هاتووە کە لە ڕۆژی دوایی و ڕابوونیش لە بە هەشتە خەیاڵییەکەیان (حور و غلمان) ژنی ڕووت و نێرینەی موو تووک لێنەهاتوو تەرخان کراوە! تا ئەم ئەقڵ لە ناو گەڵانە تێر ببن لە سێکس!!
ئیتر دەبێ چاوەڕێی چیمان لە یاسایەکی باری کەسی بێت کە ئەم مێشک بۆگەنانە هەمواری بکەنەوە، ئەرێ ئەمە هەمووارکردنە یان وێرانکردن و تێک و پێکدان!