هێرش بۆ سەردەزگاو بینایەی چاودێر و گەلاوێژ و پاساوی گەمژانە!!
دوای هیرشی هێزەکانی کۆماندۆی یەکێتی بۆسەر بارەگای چاودێر و سەندنەوەی لەلایەن هیزی کوڕانی تاڵەبانی گێرانەوەی بۆ ژیر سایەی دەسەڵاتی حزب، کاردانەوەیەکی زۆر لەلایەن خەڵکی ئازدایخوازو نووسەر و کەسایەتی سیاسی و لایەنگرانی ئازادی سیاسی… سەرئەنجام میدیای یەکێتی و بافڵ و قوباد تاڵەبانی رایان گەیاند، کە ئەوەی رویداوە گێرانەوەی بینای یەکێتی و ممتەلەکانی یەکێتی بووە. ئەم پاساوەی کوڕانی تاڵەبانی، لە هێرشەکە بۆسەر بارەگا و بینایەی چاودێر و بنکەی گەلاوێژ، سەکوتگەرانەتر و ژێر پێنانی ئازادی و لەوەش زیاتر سوکایەتیەکی ئاشکرایە بە یاساو دادگا. ئەگەر بریارە یەکێتی بارەگایەک بینایەک لە کەسو لایەنێک وەربگرێتەوە ڕیگاکەی ئەوەیە سەرەتا داوای بکاتەوە و دوای ئەوە ئەگەر داواکەیان رەتکرایەوە پەنا بۆ دادگا ببرێت و بە شێوەی یاسایی موڵکی” زەوتکراو” لە رێگای دادگاوە وەربگیرێتەوە. بۆیە پاساوەکەی کورانی تاڵەبانی و میدیای یەکێتی هیندە کۆنەپەرستانەیە ناتوانێت هیچ کەسێک قانع بکات.
ئەوەی روون و ئاشکرایە و گەمژەیەکی سۆشیال- دیمکراتی!! لێی تێدەگات ئەوەیە کە هێرش بۆسەر ئەو بینایە و بەکارهێنانی هێز بۆ وەرگرتنەوەی، پیشیلکردنێکی ئاشکرای ئازادی سیاسی و سوکایەتی گەورەیە بە یاسا و دادگا. وە لە بنەرەتدا ئەو هیرشە بۆ وەرگرتنەوەی بینایەک نییە، بەڵکو سزایەکی سیاسی و سەرکوتی دەنگی رەخنەیە و روو بەرووبوونەوەی رەخنەکانی مەلا بەختیارە لە دەسەڵات و یەكێتی، بەشیوەیەکی تا سەر مۆخ دواکەوتوانە و دیکتاتۆریانە. تەنانەت باسی گێرانەوەی بینا وممتەلەکانی یەکێتی بۆ یەکێتی، درۆیەکە کەس باوەرێ پێناکات و لە راستیدا ئەوە یەکێتییە دەبێ ئەو زەوی و بیناو گرد و بەرزایانەی داگیری کردووە بگێرێتەوە بۆ هاوڵاتیان و شارەوانی. نە یەكیتی وەکو حزبێکی سیاسی و نە پارتی و نە گۆران و نە کاکەحەمە مافیان نییە… یەکێکیان سەری رەش و ئەوی تریان دەباشان و دوکان و باوکی هەژاران گردی زەرگەتەو کاکە حەمە گوڵەخانە داگیر بکەن و دایببرن بۆ بارەگای حزب و سەرانی دەسترۆشتویان.
ئەو هیرشە و ئەو رەوتەی یەکێتی گرتوویەتە بەر، بەر لەوەی نیشانەی هیز و توانایی یەکێتی بێت، نیشانە بن بەست و چەقینە لە ئەزمەیەکی قوڵی سیاسی و رێکخراوەیی، کە لە بنەرەتدا ریشەی لە بێئاسۆیی سیاسی رەوتی روولەخواری یەکێتیە، نەک لە ئاستی عێراق و کوردستاندا، تەنانەت لە زۆنی سەوزیشدا.
ئەمرۆ ئەوەی بۆ هەموو کەسێک رۆشنە، بە نۆکەر و پیاوە بودەڵەکانی ناوخۆی یەکێتیش کە چەپڵە بۆ بافل و یەکێتی رەفتارەکانی لێدەدەن، ئەوەیە کە یەکێتی جگە لە حزبێکی شیوە مافیای و کۆمپانیایەکی چەتە ئاسا کە بنەماڵە دەستی بەسەردا گرتووە، زیاتر هیچی تر نییە.
ئەم یەکێتییە دەیەوێت بە رەفتاری شەقاوە ئاسا و مافیایی و بە خۆبەستنەوە بە ئاخوندەکانی ئیران و نۆکەرایەتی بۆی، هەیمەنەی خۆی بەسەر زۆنی سەوزدا تا ئەو رادەیە زاڵ بکات، کە جێگای هیچ دەنگێکی نارەزایەتی و ئازادیخوازانەی تیا نەبێتەوە و لە جیگایدا کۆنەپەرستی سەلەفی باڵادەست و ئیران خانە خوێ و یەكتییش پاسەوانیان بێت.
دیارە نە یەکێتی و نە هیچ حزبێکی سیاسی ناتوانێت ئەم زۆنە، دەستەمۆ بکات و دەنگی نارەزایەتی و ئازادیخوازنەی تیا کپ بکات… هیرش بۆسەر مەلا بەختیار لە ململانێی دەسەڵات و یەکلاییکردنەوەی کیشەو گرفتی نیوخۆیان، گۆشەیەکە لە هێرشێکی فراوانتر بۆسەر کەشی نیوەکراوەی زۆنی سەوز و ئەو پەراویزە لە ئازادی کە بەخەبات و تیکۆشان و ئازادیخوازن و بزوتنەوەی نارەزایەتی بەردەوام، بەدەست هاتووە. بۆیە پیویستە بە هەموو شیوەیەک یەکێتی و ئەو رەفتارانەی وەکو بەڵایەکی سیاسی و سەرچاوەیەک بۆسەرکوت و چوارچیوەیەک بۆ خزمەت بە ئیرانی حکومەتی پەت و سێدارە و سەنگسار، رابگرێت و لەوەش زیاتر کەنار بخرێت و سزای رەفتارەکانی لەلایەن جەماوەری ئازادیخوازەوە وەر بگرێتەوە.
بۆپێشەوە