من‘ و نيشتمانم’

چوار وەرزی ساڵ،

بوکی سەرخوانی جەلادو

سواڵکەری بەردەرگای مزگەوت و،

کۆيلەی دەستی سياسەتبازو

سەرەک دوو “ خێڵی بێ کارە

ئەم نيشتمانە  پڕ زێڕە

تەنهاو تەنها سەری دێڕە !

قەشمەر جاڕی تيڤی يەکانەو

چەند پێنووسێکی ملخوارە …

کێ نەزانە

لە ئامێزيا سوپەرمانە

کێ زانايە

ژێر چەپۆکی نادايە

عاشقانی ئێجگار کەمە

سەرانی وەکوو بەڵايە

سوک سەری وا لەئاسمان و

شکۆدار لەژێر چنگيانە

ئەم نيشتمانە پڕ زێڕەی

من ‘ هەمە ..

بۆخۆی وايە،

زێڕی بيست و چوار عەيارەو

کە ئەيدزن خشپەی نايە !

لە دوژمان ئەتکی ئەکەن ڕوو زەردەکان”..

فەرشی  سووری  بۆ  زاوا ڕێوی ڕادەخەن؛

ئای خودایە…

کۆدی ئەمخەمە لای کێيە و ؟

نيشتمانم … بۆ وەهايە .

 

(خاڵە حەمە) دانمارک/ڤالبی