چەند کورتە شیعری خالیدبایەزیدی (دلێر)

چەند کورتە شیعری خالیدبایەزیدی (دلێر)

 

چەترەکان

هەرهەموویان

ڕەشپۆشی بارانێکن

کە دوو دڵدار

بە گریان وئازار

لەیەک جیائەبنەوە

و ئاسمان دڵی پر دەبێ و ئەگری

چەترەکانیش لە گوشەیەکی پرسەدا

بو ڕێزگرتن لە فرمێسکەکان

بەپێووە وەستاون

2-

ڕۆژیک هەردادێت

کە لەدەستە قڵیشاوەکان

گوڵەگەنم دەپشکووێ

وە باڵندەکان

بە دەنگی بە سۆزییان

سروودی بەهاری کرێکاریی دەخوێنن

3-

لە نێوان ئەو هەموو ئینسانە

پاڵم وە بەرد داوە

ئایا بەو ئاسانییە….!؟

مرۆڤ

دڵی داوە بە بەرد

وە بەردیش

دڵی داوە بە ئینسان

4-

ما فورەی زێر

پێشکەشی دیکتاتورەکان دەکەن

بەڵام خۆم لەژێر

هەژاری قەموور بومەوە

ئەی هاووڵاتیان

یەکێک لە قووڵای ئاودا

دەیەوێ بخنکێ ؟

لەو وڵاتەی کە ژێرخانی پڕە

لە نەوت و غاز و زێر و زیوو