چەند پارچە شیعری: خالید بایەزیدی (دلێر)

چەند پارچە شیعری: خالید بایەزیدی (دلێر)

 

–

دەست بڵاوە

ڕوژەکانی هەفتە

جگە لە حەسرت وئاەـ

وە تەمەنی بە «با»چوو

شتێک لەو دە خیلە شکاوەدا نەماوە

2-

باخچەش!

گوڵی بیرچوتەوە

بە گومانم…

دڕکەکان

کودەتایان کردووە

3-

جیهان!

لە قەیرانی

ئەوین وخۆشەویستی دایە

ئەگینا

سایلۆکان

لێوان لێو لە دانەویڵەن

وەرن با…

ئەوین وخۆشەویستی

بۆ ئەم لادێ بچکولەی جیهان

بگەڕێنینەوە

4-

ماسییەکانی دەریا

پرسەیان گرت

کاتێک کە دیتیان

ماسییە بچکۆلەیەک

خۆی بە داوی ڕاوچیەک

هەڵواسی و

کۆتا نیگاکانی

لە چاوەشینەکانی دەریادا

بزر کرد