بۆ سەردەشت عوسمان!  ئاسۆی حەمەلاو/ سوید

بۆ سەردەشت عوسمان! 

 

ئاسۆی حەمەلاو/ سوید

 

ساڵی جارێک، چەند

سەرنجێک لە یەکە یەکەی

وشەکانت  ئەدەم و

سەردانێکی تێڕمانینیان

ئەکەم!

هەوڵ ئەدەم  بەزوبانێکی

وورتەوە لەگەڵیان بئاخفم!

هەموو ساڵێ هیشار

ئەبم، ئاخۆ بتوانم

دەستڕەنگینێک نەخشێنراو

بم و بتوانم کڵێشەێکی

بێهاوتا و ئەوین لە ڕەنگی

وشەکانت دروست کەم!

من زۆر لە کچانی ئەم

وڵاتە بێنازە ئەناسم، هیچ

کامێکێان خەناوکەێکی

نیانیان لەملدانیە، ئەڵێ

دەستڕنگینیەکەم ئاخۆ

چەند بەهێز بێت، گەر

بتوانم وشەکانت

بهۆنمەوە و بیانکەمە

خەناوکەی ملی ئەوان !

من زۆ لە لاوکانی ئەم

وڵاتە بێنازەی خۆم

ئەناسم، ئاواتی

مەدالیاێکی نەخشینن!

ئاخۆ بتوانم وشەکانت

پەندەکانت ووتەکانت،

بکەم بە مودالیای دەستی

لاوان و جوانی خۆیان

بپێکن !

وشەکانت ئەوەندە جوانن،

نازانم چۆن سەرشێواو

ئەبم، باز بدەم بۆ خەناوکە

یان بۆ مەدالیای نازدارم!