چەند کورتە شیعریکی/ خالیدبایەزیدی(دلیر)
چەند کورتە شیعریکی/ خالیدبایەزیدی(دلیر)
چەقۆیەک
ماتەمی گرت
وەک هەوری بەهاران گریا
کاتێک کە بیستی:
ژنێک…
بە دەستی پیاوێک
سووڕی خوینی
تێکەڵاوی
گوڵی هەڵاڵە و گەزیزە بوو
……………………………………….
مناڵێک
قەفەسێکی
کێشاوە
و ئاسمانێکی شین
وە باوکی زیندانیشی
کە بە باڵەفڕکە
بەرەو ئاسمان هەڵدەفڕی
……………………………………..
بۆ فڕین
مەرج نییە
باڵ وپەڕت هەبێت
من بینیومە:
شاعیرانێک
هەڵفڕینیان
تەنانەت لە کوترەکانیش
پێشکەوتووترن
…………………………………………..
ئێستاش ئاشقی
ئەو پێلاوانەم
کە باوکی کرێکارم
بۆی دەستاندم و
من دڵم نەدەهات
هەرگیز!
لە پێیان کەم
شەو تاکوو بەیان
لەژێر سەرینەکەم
دەم خەواندن