چەند شیعریکی/ خالید بایەزیدی(دلیر)
چەند شیعریکی/ خالید بایەزیدی(دلیر)
دەلاقەیەک
توورە بوو
چونکە دەیویست
لە دیواری زیندانێکدا
جێگیری کەن
………………………………..
کرێکاران
هەموو ئێش و ئازارەکانیان
لەبەرە
بە ئازارەوە دەژین
بە ئازارە وە دەمرن
……………………………….
وەرن با شەقامەکان
فێری ڕاپەڕین بکەین
بێدەنگی
لەسە ر لێوەکان بشکێنین
تۆوی خوشەویستی بچێنین
مافەکانمان
لە سەرمایەدار بستینین
………………………………..
کرێکارانی شارەوانی
شەقامە ماندووکانی
لەخەم و پەژارە
گەسک دەدا
…………………………..
ژنێک…
هەموو ئاواتە نەپشکوتوەکانی
تەنیا و تەنیا…
بە پارووە نانێک
هەراج دەکرد
کۆترێکی خەمبار
لەسەر شانەکانی نیشت و
ئاسمان …
ئاسمان هەڵفڕی
باران بە ڕێژنە دەباری
……………………………….
کرێکارێک!
لەگەڵ
ئێش و ئازارەکانی
سەمای دەکرد
تاکو و مردن
لەبیر ژیان بباتەوە
……………………………
زستان !
ئەگەر بۆ
ماڵە بچکوولەکەی
من هاتی
هەتاوم بۆ بهێنە