چەند شیعریکی/ خالید بایەزیدی(دلیر)
چەند شیعریکی/ خالید بایەزیدی(دلیر)
کۆچبەران
کە خنکان
دەریا…
دەریا…
بوونە ماسی
……………
مەرگ و
ژیان
چەندە هۆگری یەکترن
بەردەوام!
لە یەک
چاو دەتروکێنن
………………
مەرگ و
ژیان
ئەوەندە لەیەک ئەچن
کە جورئەت ناکەم
بژیم….
…………..
ئەوەندە درۆمان
لەگەڵ ژیان
کردووە
کە لەبەرچاوی کەوتووین
………….
لە دەریای ئیجە
دوو مورواری یان
دۆزیەوە
پاش لێکوڵینەوە
دیتیان:
ئەوە دووچاوی مورواری
کچێکی کۆچبەرە
…………….
تەنیایی یانی:
لە شەقامیکی قەرەباڵغدا
پیاسە بکەیت
بەلام!
هەرتەنیایی
ئازارت بدا
…………..
دەنکە شەقارتەیەک
دارستانیکی ئاگر تێ بەردا
دارستان بەچاوە ئاگر و
دوکەڵاوییەکەیەوە وتی:
دار پوازی لەخۆی نەبێ
هەرگیز!….
ناقڵیشی
…………….
کۆ دەکەمەوە
لە لێووەکانی شەقام
بزەو پیکەنین…
تاکوو دابە شی کەم
بەسەر مناڵانی کرێکار
……………
مەرج نییە
بۆ هەڵفرین
باڵ و پەڕت هەبێت
من دیتوومە
کیسەڵەکانیش
هەڵفریوون
…………….
چی دەزانین…
لەوانەیە ئەو ماسیانەی کە
ماسی گرەکان دەیانگرن
رۆژێک لە ڕۆژان
کۆچبەرێک ببوون
کە لە بەلەمێکدا خنکابن