چەند هۆنراوەی خالید بایەزیدی دلێر
چەند هۆنراوەی خالید بایەزیدی دلێر
1-
منالێک بە باوکی وت:
باوکە گیان
ئێمە بۆ هەژارین
ئێمە بۆ ژێردەستی سەرمایەدارین
باوکی وتی:
روڵە گیان
تاکوو خوا هەتا هەتایە
لە نێوماندا بمێنێ
مافییشمان نەدەنێ بشمان چەوسێنەوە
هەربڵێین خوا حەقمان دەستێنێ
2-
هەموو رۆژی
ژیان
لەسەر کوڵی مەرگ دادەنێم
بۆ پارووییە نان
بە مەرگ دەڵێم
بەخوا بڵێی:
ئەم ژیانە هەرپێشکەش بە خوت
3-
ئێش و ئازار
دوو هاورێ هەمیشەیی
کرێکار
4-
نان و
خانوو و
ئازادی
سێ خەونی سەرەکی
کرێکارانن
لە کومەڵگەی سەرمایەدار
5-
خوزگایە
توانی بایەم
ئارەقی کرێکارێکم
نووسیبایە
لەسەر روخساری جیهان
وە بە دونیام نیشان دابا
ئارەقی بەفیڕۆچووی کرێکار