ژمارەیەک لە هەڵسوڕاوان و چالاکوانی کرێکاریی و جەماوەری ڕاگەیاندنێک بەدژی هەڕەشەو ترساندنیان لەلایەن جمهوری ئیسلامیەوە، بڵاودەکەنەوە… دەقی راگەیاندنەکە:
ژمارەیەک لە هەڵسوڕاوان و چالاکوانی کرێکاریی و جەماوەری ڕاگەیاندنێک بەدژی هەڕەشەو ترساندنیان لەلایەن جمهوری ئیسلامیەوە، بڵاودەکەنەوە…
دەقی راگەیاندنەکە:
ڕاگەیاندراوی ھاوبەشی چالاکانی چەپ و کرێکاری سەبارەت بە پەیوەندی تەلەفونی و ھەرەشەکانی ئەم دواییانەی مەئمورانی وەزارەتی ئیتلاعات
بارودۆخی کارەساتباری ئابوری و کۆمەلایەتی کە چینی باڵادەست بەسەر کۆمەڵگە بە تایبەتیی چینی… کرێکاردا سەپاندویەتی، بەشێکی زۆری کۆمەڵگەی لە ھەڵدێری ھەژاری ڕەھادا راگرتوە و ھیچ ئاسۆیەک و پلانێک بۆ باشتر بوونی لە ئارادا نیە. خەباتی چینایەتی لە کۆمەڵگەی ئێران لە حاڵێکدا بەرەو پێش دەچێ کە رێکوردی ھەڵاوسانی ئابووری شکاندوە و ھیچ ئاسۆیەک بۆ باشتر بوونی بارودۆخەکە لە لایەن چینی باڵا دەستەوە بوونی نییە و سەرەرای ئەوەش سەرکوتی چالاکانی مەدەنی و ئازادیخواز پەرەی سەندوە. سەرەرای ئەوانە چینی کرێکار لەوەھا بارودۆخێکی ناخۆشی ھەژاری و خەفەقاندا بە پشتبەستن بەخۆی و ھاوچینەکانی ناڕەزایەتی و مانگرتن گەلێکی بەرینی بۆ باشتربوونی بارودۆخەکە ڕێکخستوە. دروشم و سیاسەتە چەوسێنەرەکانی چینی باڵادەست لەوانە پشتیوانی لە بەرھەمھێنەران و تایبەتیکردنی کەرتی بەرھەم ھێنان ژیان و گوزەرانی چینی کرێکاری کردوە ئامانج تا لەرێگای چەوساندەوە ھەرچی زۆرتری چینی کرێکار خۆی لە قەیرانەکان دەرباز بکات. ھاوپەیمانانی چینی کرێکار بۆ دامەزراوە ئەمنیەتیەکان وەک کۆسپ و تەگەرەیەکن کە لەبەرامبەر دەستدرێژی بۆ سەر ئەو چینە رادەوەستن و بەو ھۆکارەش دەبێ لەسەر رێگای چەوسێنەران لابچن. لەو نێوە دا سەرەرای دەست بەسەرکردنی چالاکانی چەپ و کرێکاری، شێوازێکی تر بۆ سەرکوتی ئازادیخوازان لەبەرچاو گیراوە کە ھەڵبەت سیاسەتێکی تازە نییە. شکستی پیلانی ھێزە ئەمنیەتیەکان لە دۆسیەکانی ھاوشێوەی ھەفت تپە، کە زۆر زوو بە کەمپەینێک بوو بە ھۆکاری رێکخستنی بەرەی چینی کرێکار و پشتیوانانی، بۆتە ھۆکاری بەکاربردنی شێوازی نوێی بۆ پێشگرتن بەو شەپۆلە، کە بێگومان جارێکی دیکە بە بەرەنگاری و یەکگرتوویی چینی کرێکار و چالاکان شکست دێنێ. رێکاری بەرگری لەخۆ و کاری کەمپەینی لە نێوان ئەم چالاکانە جێکەوتوە و بە ھیچ ھەرەشەیەکی راستەوخۆ و ناراستەوخۆ سڵ ناکا. ڕۆژی سێشەممە ڕێکەوتی ٢٧ی ڕەزبەر مەئمورانی وەزارەتی گشتی ئیتلاعات لە ماوەیەکی کەم پەیوەندیان لەگەڵ چەند کەس لە چالاکان و پشتیوانانی چینی کرێکار لەوانە: رھام یگانە، کامیار فکور، سروناز احمدی، عاطفە رنگریز، عسل محمدی و ھیراد میربداقی کردوە و بە شێوازێکی ھەرەشەئامێز خوازیاری بەشداری لەبەناو کۆبونەوەیەکی دۆستانە بۆ روون بوونەوەی ھێندێک ناروونی و ھێڵە سوورەکان بوون. شایانی باسە کە ئەم پەیوەندیە تەلفونیانە چەند کاتژمێر دوای بەرێوەچوونی دادگای کامیار فکور کراون و ھەروەھا ھەرەشەی گرتنیان لە رھام یگانە کردوە. ئەو روداوە بۆ امیر عباس اذرم وند، تەنیا چوار ڕۆژ دوای ئازادبونی لەلایەن ئیتلاعاتی سپا ڕویداوە. ھەروەھا ژمارەیەک لە چالاکانی چەپ، بنەماڵەی گیانبەختکردوانی خەزەڵوەڕ، ناڕازیان بھبھان و باقی چالاکانی مەدەنییش ھەر بەو شێوازە واتە لە ڕێگای پەیوندی تلفونیەوە بۆ کۆبونەوە بانگھێشت کراون. مەئمورانی رێکخراوە ئیتلاعاتیەکان بە پەیوەندی تلفونی و دواتر بانگھێشتی چالاکان بۆ کۆبونەوەی بەناو ئاشتیخوازانە، ھەولدەدەن فەزایەکی ترس و تۆقاندن بێننە ئاراوە. مەئمورانی ئەمنیەتی ھیچ مەیلێکیان بۆ تێپەڕکردنی ڕەواڵی یاسایی بانگھێشتی بە نوسراوەی تاکەکان نییە، بەو پاساوە کەندۆسیەکان قەزایی نەبێتەوە و نەچێتە دادگا و بەردەستی حاکمەوە. بەو ھۆکارانە پێداگری دەکەنەوە کە بە ڕواڵەت بانگھێشتی تلفونی لە سەر بنەمای بریاراتی ئیجرایی یاسایی و لە ڕاستای بەرگری لە ئەمنیەتی شارۆمەندانە. گوایە بە گۆڕینی ناوی لێکۆلینەوە بۆ گفتوگۆی دۆستانە، یاخود ھەلسوکەوتی ئەمنیەتی بۆ بەرگری لە ئەمنیەتی شارۆمەندان، تاکەکان فریو دەخۆن و مەئمورانی ئەمنیتی وەزارەتی ئیتلاعات لە عەمەلیاتی سەرکوتی پێشگیرانە سەر بڵند دێنە دەر. ئەم سیاسەتە کۆنە بە ئاشکرا مەحکوم بە شکستە، چونکە ئەگەر بریار بوو بە بانگھێشت و ھەرەشەی چەند چالاکی ئازادیخواز نارەزایەتی کرێکارانی یەکگرتوو و بندەستان لەبار بچێ تا بە ھەنووکە شایەتی ئەم ڕادەیە لەچوونەسەری وشیاریی کرێکاران و ھاوپشتی و یەکگرتویی بەربلاوتری ئەوان بە نیسبەت ڕابردوو نەدەبوین. ئێمە وەک واژۆکەرانی ئەم ڕاگەیاندراوە لەبەرامبەر سیاسەتی ترس و تۆقاندن، دەست بەسەرکردن و ھەرەشە لە لایەن وەزارەتی ئیتلاعات سڵ ناکەین و لە ھیچ کام لە کۆبونەوەکان لە شوێنی دیاریکراو و دیارینەکراو بەشداری ناکەین واژۆکەران:
رھام یگانە، کامیار فکور، سروناز احمدی، عسل محمدی ھیراد پیربداقی، عاطفە رنگریز، امیرعباس، اذرم وند. وەرگێڕان: ئەنوەر عەزیزیان