چەند شیعریکی/ خالید بایەزیدی(دلیر)

چەند شیعریکی/ خالید بایەزیدی(دلیر)

 

پێویستمان

بە کرێکارێکە…

سەعاتی کار

کازیوەی بەری بەیان

بەڵام! گەڕانەوەی نادیار

 

٢-

کرێکاران

بۆ پاروویەک نان

دەستیان قەڵیشاوە

ئەوان لەگەڵ ئیش و ئازارەکانیان

دادەنیشن…

پیاسە دەکەن

دەخەون….دەمرن

کرێکاران

مەجبورن بە جێگای چەند کەس ئیش بکەن

ئەوان دەستە قلیشاوەکانیان

لە خوشەویستەکانیان

دەشارنەوە

تاکوو نەبادا !

لە ئەوین وخوشەویستیان

پەشیمان ببنەوە

وە تاکوو هیچ کات نەزانن

خوڵقینەری جیهانن

وە خوایان لەبیرچێتەوە

ئەوان چاوە غەمبارەکانیان

بە پێکەنین دەشارنەوە

تاکوو کەس هەست بە ئازارەکانیان نەکەن

ئەوان تەنیا بۆ«نان» دەژین

خۆشی و ژیان

لە جەستەی ماندو و هیلاکیان دەنێژن